Manamnama a marambakan ladta iti maiselselebrar nga Saleng Festival iti siyudad ti Baguio intun maudi nga lawas iti Mayo, ngem maksayan dagiti dadduma nga aktibidad argaman iti panakasuspindi ti Green Business Expo ken Tree Cart Parade, gapo iti mapaspasamak nga epekto ito oil crisis iti pagilyan.
Segun iti City Environment and Parks Management Officer Atty. Rhenan Diwas, daytuy a panagbaliw ket maitunos iti Memorandum Circular 110 nga inruar ti Office of the President nga agkidkiddaw iti pannakakonserba ti enerhia ken ti naannad a pannakausar dagiti rekurso ti gasolina kadagiti agdama a pakaseknan iti suplay ti lana.
Dagiti organizers ti 2026 Saleng Festival ket nailasin da dagiti naapektaran nga aktibidad a naibatay kadagiti kasapulanda iti operasion, partikular dagidiay mainaig iti transportasion, pannakaipasdek ken panagtignay dagiti makipaset, a mabalin a mangiturong iti nangatngato a pannakausar ti gasoline.
Kinuna ti komite a panggep dagiti panagbaliw a suportaran ladta dagiti national a panagregger a mangsalbar iti enerhia bayat a pagtalinaeden a nasayaat ti panggep iti nakuna nga piesta.
Nakuna nga manamnama ladta a maituloy dagiti daduma pay nga aktibidad ti Saleng Festival a kas naiplano iti siudad.
Iti Saleng Festival ket agpatuloy nga ipanagitandudo iti pannakaammo iti aglawlaw ken pannakipaset ti komunidad kadagiti aktibidad. Ken impasigurado dagiti nangorganisar nga iti laksid dagiti panagbalbaliw ket agtuloy a maipatungpal ladta dagiti pakabuklan a panggep ti Festival.
Source: Baguio City Public Information Office
https://www.facebook.com/photo/?fbid=1517748863048418&set=a.404645651025417
