Bomoto ang 29 Person Deprived of Liberty (PDLs) na nakapiit mula sa Ifugao District Jail (IDJ) sa Kiangan, Ifugao nito lamang halalan, Oktubre 30, 2023.
25 PDL ang bumoto sa IDJ’s Child-friendly visitation area na ginawa bilang polling center ng kulungan kung saan tatlong Board of Elections Inspector (BEI) ang nangasiwa sa tulong ng mg tauhan ng IDJ.
Samantala ang apat naman ay maingat na dinala sa Banguinge Elementary School kung saan sila nakarehistro para bomoto.
Binigyan importansya ng IDJ ang mga karapatan ng mga PDLs upang makaboto kahit sila ay nakakulong upang maihayag ang kanilang gustong maihalal na kapitan at kagawad sa kanilang lugar.
Mahigpit naman na seguridad ang inihanda ng mga tauhan Ifugao District Jail upang masiguro ang kaligtasan at maging payapa ang nasabing botohan ng mga PDLs.
