Napanayon ti Philippine National Police (PNP) ti kaurnos ken seguridad kadagiti pagtitipon ken dadduma pay nga aktibidad a naaramid iti nadumaduma a paset ti pagilian a mainaig iti ika-54 nga anibersario ti deklarasion ti Martial Law idi September 21, 2026.
Segun iti PNP, minonitor dagiti police unit iti intero a pagilian dagiti aktibidad ken nangitalaga iti umiso a police presence tapno masigurado ti kinatalged ti publiko bayat a respetado dagiti karbengan dagiti umili iti natalna a panagtitipon ken panangipahayag iti pamagbagada.
Iti National Capital Region (NCR), 14 a rally ken assembly ti minonitor ti pulisya a tinantiya a pinasertipar dagiti 1,620 a tattao. Segun iti PNP, nagtalinaed a natalna dagitoy a pagtitipon, kasta met dagiti umas-asping nga aktibidad a naaramid kadagiti dadduma a rehion.
Babaen ti panangidaulo ni PNP Chief PGen. Jose Melencio C. Nartatez Jr., ipinatungpal dagiti police unit dagiti umiso a security measures ken maximum tolerance tapno mapagtalinaed ti kaurnos, maprotektaran ti publiko, ken masungbatan dagiti posible a safety concerns kadagiti lugar a pagdudung-anan dagiti aktibidad.
Imbilang ni PGen. Nartatez a paset ti responsibilidad ti PNP ti panangtaginayon iti natalna a kasasaad bayat a masigurado a marispeto dagiti karbengan dagiti umili.
“Our responsibility is to keep the situation peaceful while making sure people’s rights are respected. We recognize that peaceful assembly is part of a democratic society. Ang mahalaga, napangasiwaan natin ang mga pagtitipon nang maayos, may paggalang sa karapatan ng bawat isa, at may malasakit sa kaligtasan ng publiko,” kinuna ni CPNP Nartatez.
Pinadayawan met ti PNP Chief dagiti police personnel a naitalaga kadagiti aktibidad gapu iti dedikasionda, disiplina, ken propesionalismoda iti panangtungpal iti trabahoda.
“Alam kong hindi madali ang inyong tungkulin sa ganitong mga pagkakataon, kaya kinikilala ko ang inyong sakripisyo at dedikasyon. Saludo ako sa inyong serbisyo at sa paraan ninyo ng pagtupad sa trabaho nang may respeto sa ating mga kababayan,” inna pay.
