SAN FERNANDO CITY, La Union — Ti Department of Environment and Natural Resources (DENR) ket pinalawa na ti panangipatungpal ti “Permitting on Wheels” iti Rehion Ilocos, a mangyeg kadagiti kangrunaan a serbisio pangkapaligiran iti mas asideg kadagiti komunidad.
Naitungpal ti programa idi Abril 21 agingga 23 idiay SM City La Union, a naglalayon a mapaspas ti proseso dagiti transaksion iti gobyerno ken mapukaw ti kasapulan a sumubli-subling mapan kadagiti opisina ti DENR. Daytoy ket maipapan iti panangpasayaat ti ease of doing business ken panangpabileg ti environmental governance.
Babaen iti Provincial Environment and Natural Resources Office (PENRO) La Union, nakaala dagiti umili kadagiti serbisio a kas kadagiti aplikasyon ken sertipikasion maipapan iti daga ken propiedad, forestry ken wildlife permits, water resource clearances, ken transport documents para kadagiti forest products. Naipaay met dagiti permiso para kadagiti regulated a aktibidad a kas ti panagputol ti kayo, panagusar ti chainsaw, ken panagtransport ti wildlife.
Nangipaay met ti caravan iti tulong para kadagiti agrikultural ken residential a pakaammo iti daga, private tree plantation registration, ken lease applications para kadagiti foreshore ken sabali pay a pampubliko a daga. Adda met dagiti information booth a mangipromote iti panangsalaknib ti kapaligiran ken sustainable a panagusar ti natural a resources, a katulong dagiti nadumaduma nga ahensia.
Segun kenni Ronnel Sopsop, daytoy a inisyatibo ket paset ti nagtitinnulong a panagbanag dagiti bureau ti DENR tapno maiyasideg dagiti serbisio iti publiko.
Kalpasan ti panakaipatungpal daytoy idiay La Union, planuen ti DENR a mangisubli iti Pangasinan ken mangipatungpal pay iti Ilocos Sur kadagiti sumaruno a bulan.
Naparagsakan dagiti umili iti programa gapu iti napardas a proseso ken mas nalaka a panagtransaksyon. Inawagan ti DENR dagiti umili a mangipatuloy iti panangusar iti daytoy a mobile services tapno mapapigsa ti panagtulnog kadagiti linteg pangkapaligiran ken mapasayaat ti panagserbi iti entero a rehion.
