Tallo a lallaki ti napaneknekan a nadangran iti nadisgrasya nga Isuzu Forward Truck sadiay Marcos Highway, Taloy Sur Proper, Taloy Sur, Tuba, Benguet itay laeng alad dies (10:00 AM) iti agsapa, October 27, 2026.
Nupay kasta saan pay nga imbutaktak iti Tuba Municipal Police Station ti kinatao dagiti tallo a biktima.
Babaen met iti tulong dagiti personnel iti Tuba Bureau of Fire Protection ken Tuba Municipal Disaster Risk Reduction Council (MDRRMC) a nagresponde ket dagus a naitaray sadiay ospital dagiti biktima tapno mataming.
Base iti inisial a report iti Tuba MPS, ti truck ket agpaturong iti lowland area idi nag-overtake ken linabsan na ti dua a lugan a sarsarunuen na. Ngem idi agsubli iti linia na ket ditoy metten a mapapati a naawanan iti preno.
Nagresulta daytoy iti panangdungpar na iti nakaparada a kotse nga Isuzu Highlander iti igid ti kalsada sakbay a dinungpar na ti maysa a balay. Kalpasan daytoy ket natumba iti igid ti kalsada ti truck.
Iti agdama ket manarimaan pay laeng iti kanayonan nga imbestigasion iti kapulisan ti Tuba iti napasamak.
Source: DZWT 540 AM – News & Information (https://www.facebook.com/share/p/1CCMCHEmcc/?mibextid=wwXIfr)
