Nakaawat ti tulong pinansyal a nagkakahalaga iti P5,000 kada maysa dagiti 275 a kameng ti Tricycle Operators and Drivers’ Association (TODA) iti ili ti Santa, Ilocos Sur babaen iti Cash Relief Assistance (CRA) program ti Department of Social Welfare and Development (DSWD) idi Biyernes, Abril 24, 2026.
Daytoy a tulong ket paset ti dagus a suporta ti DSWD kadagiti marigrigatan a sektor a naapektaran iti agdama nga energy emergency iti pagilian.
Dagiti nakaawat iti CRA ket nagtaud iti listaan dagiti rehistrado a drayber ti traysikel a pinaneknekan ti lokal a gobyerno, iti pannakikoordinar ti TODA.
Source: PIA Ilocos
