Nakipaset iti Tuguegarao City ni Senator Mark Villar, tapno saksian ti TugSayaw Street Dance Showdown Competition, maysa kadagiti kangrunaan nga aktibidad ti Pavvurulun Afi Festival 2026, idi Agosto 16, 2026. Nakipagpasetda iti panangselebrar ti siudad iti napateg nga okasion a mangiparang iti kultura ken talento dagiti Tuguegaraoeño.
Nangipaay iti napudno a panagsangbay da Gobernador Edgar Aglipay ken Unang Ginang Marinette Yan-Aglipay iti bisita, a kaduada ni Mayor Maila Ting-Que ken dagiti dadduma nga opisial ti Tuguegarao City Council. Ti pannakipasit dagiti opisial iti aktibidad ket nangipakita iti panagkaykaysa iti panangitag-ay iti kultura, turismo, ken dagiti programa a mangpaunlad iti siudad ken probinsia.
Iti mensahena, impatalged ni Sen. Villar ti agtultuloy a panangsuporta na iti Cagayan ken Tuguegarao City, nangruna iti panangitag-ay kadagiti programa ken inisyatibo a mangtulong iti agtultuloy a panagdur-as ti probinsia. Inyallukoyna met ti panagkaykaysa dagiti lokal a lider ken komunidad iti panangitag-ay iti nasaysayaat a masakbayan.
Ti TugSayaw Competition ket tapno maiparang ken maitag-ay ti talento, kreatibidad, ken kultura dagiti partisipante babaen iti street dancing, creative choreography, makapuyapuyak a kasuotan, ken nadumaduma a dance moves. Babaen iti daytoy nga aktibidad, mapapigsa met ti panagkaykaysa ken panangipannakkel iti lokal a kultura kas paset ti Pavvurulun Afi Festival 2026.
Source: Cagayan Provincial Information Office
