Ipinamahagi ng mga tauhan ng Lokal na Pamahalaan ng San Ildefonso ang libreng gamot para sa mga residente na may sakit na diabetes at hypertension sa Barangay Bubulong Malaki, San Ildefonso, Bulacan nito lamang Martes, ika- 8 ng Hulyo 2025.
Ang naturang aktibidad ay pinamunuan ni Honorable Fernando “Gazo” S Galvez, Mayor ng San Ildefonso.
Ito ay bilang bahagi ng kanyang programa na Gamot Mo, Sagot Ko.
Labis ang pasasalamat ng mga benepisyaryo sa medikal na tulong na ipinaabot sa kanilang lugar.
Layunin ng programa na ipadama ang malasakit at pagpapahalaga ng pamahalaan sa mga mamamayan sa pamamagitan ng maayos, mabilis, at abot-kayang paghahatid ng serbisyong medikal, lalo na sa mga nangangailangan.
