Pormal nang sinimulan ng DSWD Field Office 1 – Ilocos Region (DSWD FO 1) ang selebrasyon ng National Disaster Resilience Month (NDRM) 2025 na may temang “KUMIKILOS para sa Kahandaan, Kaligtasan, at Katatagan” noong ika-1 ng Hulyo, 2025.
Iba’t ibang aktibidad ang isinagawa sa pagbubukas ng selebrasyon, kabilang ang Resilience Gallery Walk at Photo Booth, Disaster Feud, Go Bag Relay, at ang Poster and Slogan Making Contest.
Maliban dito, nakatakda ring isagawa ang Ready, Set, Respond! Quiz Bee Competition para sa mga empleyado ng DSWD Field Office 1; DSWD Uno Information Press na dadaluhan ng media partners and Local Public Information Officers; Root for Resilience Tree Planting Activity; at Launching ng Preparedness Session Guide for Youth.
Bahagi ito ng adbokasiya ng DSWD FO 1 na palakasin ang pagpapalaganap ng impormasyon at kamalayan ukol sa kahandaan at katatagan sa harap ng sakuna.
