BAGUIO CITY — Simrek ti City Government ti Baguio ken ti University of the Cordilleras (UC) iti maysa a Memorandum of Agreement (MOA) idi Mayo 16 idiay City Hall a mangpapigsa iti panagtitinulong iti panagadal, inobasyon ken Disaster Risk Reduction and Management (DRRM).
Segun ken Mayor Benjamin Magalong, ti panagkaykaysa ket naglalayonna a mangitulod kadagiti research-based solutions, teknolohikal nga inobasyon ken evidence-based planning tapno ad-adda pay a mapapintas ti disaster preparedness, response ken resilience initiatives ti siudad.
Nainamnama nga ti kasunduan ket manglukat iti ad-adu pay a collaborative research projects, specialized training programs, community-based DRRM initiatives ken youth engagement activities.
Dagitoy nga aktibidad ket maibilang a kangrunaan a tulong iti pannakabangon ti natalged, nakasagana ken natalna a Baguio City.
Impakdaar ti alkalde nga ti daytoy a panagtitinulong ket mangipakita iti kinapateg ti pannakikadua dagiti lokal a gobyerno ken academic institutions iti panangsabat kadagiti karit mayatup iti kalamidad ken iti pannakaitandudo ti sustainable urban resilience.
Kabayatanna, nagcourtesy call met kenni Mayor Magalong dagiti opisial ti Department of Environment and Natural Resources (DENR) ken Technical Education and Skills Development Authority (TESDA), a da Undersecretary Primo David, Vidal Villanueva III ken Galo Glino III.
Kabilang kadagiti napagserkan ket ti pannakapapigsa pay iti panagtitinulong ti siudad kadagiti dua nga ahensia.
Kinuna ti alkalde nga agtalinaed a silulukat ti siudad iti naimbag a panagdidinnamag ken kolaborasyon kadagiti nadumaduma a sektor ken ahensia ti gobyerno para iti agtultuloy a pannakapasayaat ti komunidad.
