Naballigi a naisayangkat ti “Color Run for a Cause” idiay Covered Court ti 5th Infantry “STAR” Division, Philippine Army, Camp Melchor F. Dela Cruz, Upi, Gamu, Isabela idi May 22, 2026, a pinangidauloan ti 1st Cavalry Company (Separate), Armor Division, Philippine Army kas suporta iti “Piso Ko Para Sa Kinabukasan Mo Project.”
Ti aktibidad ket pinanguloan ni CPT DAYANARA CES S AO-WAT-BERIÑA (ARM) PA, Commanding Officer ti 1st Cavalry Company (Separate), a nilahukan dagiti opisial ken personnel ti Armed Forces of the Philippines, Philippine National Police, stakeholders, sponsors, sibilyan a partisipante, ken dadduma pay a support groups a nangipakita iti pannakikadua para iti nasayaat a panggep ti programa.
Nakaurnos ti aktibidad iti 247 a partisipante ken nakatulong iti 25 a scholars ti educational assistance program ti yunit, pakairamanan dagiti scholars manipud iti komunidad dagiti Agta.
Ti “Color Run for a Cause” ket mangipakita iti tuloy-tuloy a pannakaipasdek ti panagserbi iti komunidad babaen iti pannakaitag-ay ti salun-at, panagkaykaysa, ken pannakasuporta iti edukasion dagiti agtutubo tapno maipaay kadakuada ti nasayaat ken naraniag a masakbayan.
Source: 1st Cavalry Company, Separate Armor Division, PA
