Ginanap ang oath taking ng Bacnotan Federation of Parent-Teachers’ Association sa Bacnotan People’s Hall nito lamang ika-30 ng Nobyembre 2023.
Ang oath taking ay pinangunahan ni Mayor Divine Fontanilla at ipinaabot niya ang mensahe nitong sumentro sa paghikayat sa asosasyon na gumawa ng mga mas progresibong programa.
“Simulan po natin gumawa ng sustainable programs para hindi po tayo mahihirapan sa ating funding source; turuan po natin ang mga magulang o maglaan ng livelihood project; rest assured, the LGU will help you,” ani Mayor Divine.
Sumang-ayon naman ang grupo at nangakong makikiisa sa panawagan ng alkalde na makakatulong din sa mga mag-aaral ng Bacnotan.
Naihalal na pangulo ng asosasyon si Fr. Benjie Rullepa na nirerepresenta ang Bacnotan National High School.
Samantala, nangangako naman ang mga namumuno sa munisipalidad ng Bacnotan na patuloy nilang magiging prayoridad ang pagtulong sa kanilang nasasakupan upang magkaroon ng mas magandang kinabukasan ang mga ito, lalo na ang kabataan.
