Nagkari ti Baguio City Police Office ken Parent-Teacher Association (PTA) a tumulongda iti panangsigurado iti kinatalged kadagiti pagadalan iti siudad kagidan iti apela ti principal ti Lucban Integrated School seknan iti insidente ti maatap a grave threat idi Setiembre 16 iti nasao a pagadalan.
Kinidaw ni Felto Agpawa, School Head ti Lucban Integrated School, ti tulong dagiti ti barangay officials ken daduma pay a maseknan nga opisina iti panag-asistarda nangruna iti panagseserrek dagiti studyante iti pagadalan.
Kagiddan ti dayta,impanamnama ti Principal nga ikagumaanda nga aramiden ti amin tapnu maipasigurado ti seguridad dagiti ubbing.
Impeksa met ni Manny Jun Lardizabal, School PTA President a maysa kadagiti prayoridad dagitoy ket ti pannaka-implement ti KAAGAPAY task force.
Iti agdama mangsapsapul paylaeng dagitoy kadagiti parentes nga agvolunteer a tumulong nga agduty kabayatan iti break time ken tunggal umuneg dagiti ubbing iti pagadalan.
Inkari met ni PMaj Joshua Mateo, Chief of Police ti Baguio City Police Station Office Station 2 a manayunan ti puersa ti kapulisan a tumulong para ti pannakaipaay ti seguridad iti nasao a pagadalan.
No pay kasta inlawlawagna a kasapulan ti pannakaawat manipud kadagiti nagannak ti kinapateg iti panagkapkap sakbay nga umuneg dagitoy iti pagadalan.
Source: Bombo Radyo Baguio
