Nangisagawa idi Huwebes, Setyembre 17, 2026, ti ground breaking ceremony para iti ipatakder a Multi-Purpose Building (Evacuation Center) iti Atal Street, Barangay Cataggaman Viejo, Tuguegarao City.
Pinangulowan ti aktibidad ni City Councilor Jackson Carodan, Executive Assistant IV Grace Arago, kas mangibagi ken City Mayor Maila Rosario Ting Que, ken Punong Barangay Gil Tumbali, a kaduana dagiti opisiales ti barangay.
Ti proyekto ket pinondohan babaen iti 20% Economic Development Fund ti LGU Tuguegarao City a nabalor iti Php1,883,379.87, a mangipakita iti pannakikinninnulong ti lokal a gobierno ken barangay iti pannakaipatungpal dagiti proyekto para iti komunidad.
Ti proyekto ket tapno maipaay iti barangay ti napateg a pasilidad a mabalin a pagaramidan dagiti nadumaduma nga aktibidad, ken kas evacuation center a mabalin a pagkamangan dagiti residente iti panawen ti kalamidad ken dadduma pay a kasapulan ti komunidad.
Source: https://www.facebook.com/share/p/1RAW7dzNdT/?mibextid=wwXIfr
