Nagkaisa ang mga mamamayan sa isinagawang Coastal Clean-Up Drive sa Barangay Cabcaben, Mariveles, Bataan nito lamang Sabado, ika-25 ng Nobyembre 2023.
Kasama sa aktibidad ang mga opisyal ng barangay, mga miyembro ng City Environment and Natural Resources Office, Bataan PNP at mga volunteers.
Matagumpay ang aktibidad kung saan umabot sa 174 kilo ng nabubulok at 35 kilong mga plastik ang nakuha mula sa paglilinis ng dalampasigan.
Ito ay naglalayong malinis ang dalampasigan, maiiwas ito sa polusyon mula sa mga plastik at basura at upang lalong lumago ang turismo sa lugar.
