Isang Trailer Truck na may kargang mabibigat na mga bakal ang naaksidente noong ika-19 ng Nobyembre 2023 sa National Highway partikular sa Sitio Pideg, Brgy. Magsaysay, Santa, Ilocos Sur na siyang nagdulot ng matinding trapiko.
Tinatayaang umabot ng humigit-kumulang na anim na oras naghintay ang mga manlalakbay habang inaantay na matapos ang Clearing Operation para sa nasabing aksidente.
Nagtulong-tulong ang mga iba’t ibang sektor, gobyerno man o pribado para mapabilis ang pag-aalis ng mga nakasagabal ng mga bakal sa gitna ng kalsada.
Ang Clearing Operation ay pinangunahan ng Department of Public Works and Highways katuwang ang Lokal na Pamahalaan ng Santa, Ilocos at ng Narvacan, Ilocos Sur, mga kapulisan ng Ilocos Sur Police Provincial Office, Bureau of Fire Protection, Philippine Coast Guard, Santa Municipal Disaster Risk Reduction and Management Council at mga iba pang mga pribadong organisasyon at mga indibidwal na nagbulontaryong tumulong.
Source: Municipal Government of Santa, Ilocos Sur
Panulat ni Malayang Kaisipan
