Guyguyugoyen ita ni Benguet Vice Governor Marie Rose Fongwan-Kepes dagiti opisyal ken empleyado ti provincial government kasta metten dagiti residente ti Benguet a suportaranda dagiti Micro, Small, and Medium Enterprises (MSMEs) iti probinsya.
Kagidan daytoy iti panagserbi ti Benguet Capital kas host iti 2026 Benguet MSME Month celebration.
Naipresenta ita nga aldaw dagiti programa para iti nasao a selebrasyon.
Karaman kadagiti aktibidad a maipatungpal ket ti opening program, panangiyuswat iti trade fair expo tampok dagiti nagduduma a produkto dagiti MSMEs.
Manamnama met nga inton bigat, agu-urnong dagiti nagduduma nga stakeholders para iti maysa a weaving forum tapno talantanenda dagiti kaskenan nga adan tapno mapreserba ken masustinir ti weaving industry iti probinsya.
Agpaot ti nasao a selebrasyon agingga Hulyo 30 kagidan iti Gabay Awards ken closing program tapno mabigbig dagiti MSMEs iti probinsya ti Benguet.
Source: Bombo Radyo Baguio
