Naraniag ti panagpabuya ti Ballet Baguio iti 2026 Association of Ballet Academies Philippines (ABAP) Emerging Choreographers Competition a naangay iti Maybank Performing Arts Theatre, a nakagun-odanna iti nagduduma a top honors.
Karaman kadagiti napadayawan ni Artistic Director Jacqueline Go Ramon a nakagun-od iti First Place para iti “Aerodynamic” iti Adult Small Group Neo-Classical Ensemble Category, ken Second Place para iti “The Waves Obey Her” iti Senior Small Group Neo-Classical Ensemble Category. Pinadayawan metlaeng daytoy iti Tony Fabella Emerging Choreographer Award kas panangbigbig iti kinalaing iti choreography.
Kabayatanna, ni Ballet Master Gabriele Alinio ket nakaiyawid iti First Place iti Adult Small Group Contemporary Category para iti “Sleepless,” maysa a contemporary piece a mangtaltalantan iti emosional a kinadagsen iti insomnia ken overthingking. Nakaala metlaeng iti grupo iti scholarship grant para iti 2026 Manila Dance Prix.
Sigun iti Ballet Baguio, dagiti pammadayaw ken pammaneknek iti agtultuloy a suportada iti orihinal a Filipino choreography ken panangpadakkel kadagiti ubbing a mannala ken choreographer manipod iti Cordillera.
Source: Bombo Radyo Baguio
