Maysa a drayber ti nadangran iti napasamak nga aksidente iti national highway ti Barangay San Clemente, Magsingal, Ilocos Sur.
Karaman iti aksidente ti maysa a kurong-kurong a minaneho ti lalaki nga agtawen iti tallopulo ket siam, inluganna ti maysa a lalaki nga agtawen iti duapulo ket dua, agpadada a construction worker, tubo iti Balanacan, Mogpog, Marinduque ngem agnanaedda iti Barangay San Ramon, Magsingal.
Ti met BMW ket minaneho ti lalaki nga agtawen iti duapulo ket uppat, agnaed iti Vigan City.
Agpapa-abagatan dagiti 2 a lugan ket idi madanonda ti nakapasamakan ti aksidente, agsikko koman ti kurong-kurong idin ta natukbob daytoy ti BMW.
Nadunor ti drayber ti BMW idinto a saan a naan-ano dagiti naglugan iti kurong-kurong.
Source: Bombo Radyo Vigan
