Naisayangkat ti technology demonstration dagiti riding-type ken walk-behind mechanical rice transplanter idiay Brgy. Barraca, Villasis, Pangasinan, a pinanguluan ti Provincial Agriculture Office iti pannakikadua ti LGU Villasis, PhilRice Batac, PhilMech, ken dadduma pay a katuwang nga ahensya idi Hunyo 20, 2026.
Iti aktibidad, naipakita no kasano a makatulong dagiti makabaro a makinarya iti napartak, nasayaat, ken nalaklaka a panagmula ti pagay, kasta met a mapabassit ti panagkasapulan iti manwal a trabaho.
Paset daytoy ti Corporate Farming Program ti Panlalawigan a Gobyerno iti panangidaulo ni Governor Ramon V. Guico III, a mangipangato iti panagaramat iti teknolohiya iti agrikultura, panangpapigsa iti produksyon dagiti talon, ken panangpaimbag iti biag dagiti mannalon iti Pangasinan.
Insurat ni IlocanoAk
Source: PGLU Pangasinan
