Maysa a motorista ti natay, bayat a lima ti nasugatan kalpasan ti dua a nagduma a disgrasia ti motorsiklo idiay Pangasinan.
Iti Umurbiztondo, nairaman iti disgrasia ti maysa a motorista a kunada ket nag-overtake iti maysa a lugan sakbay a nasabatna ti maysa a tricycle iti kasungani a lane ti national highway. Natay ti motorista, bayat a nasugatan ti backriderna, ti driver ti tricycle ken tallo a pasahero daytoy.
Kabayatanna, natay met ti maysa a 32-anyos a motorista kalpasan a simmagat iti poste ti lawag iti Barangay San Juan, San Jacinto, Pangasinan.
Segun iti imbestigasion ti pulisya, agawiden ti motorista idiay Manaoag idi napasamak ti disgrasia iti kalsada a maaw-awagan iti “snake road” gapu iti naglikoliko a dalanna. Napukaw kunada ti kontrolna iti motorsiklo agingga a simmagat iti poste, ket natamaan ti ulona. Naideklara a dead on arrival idi naipan iti ospital.
Segun iti maysa a kabagian, kadawyan a mangimaneho ti biktima iti motorsiklo kalpasan a makainom tapno agpahangin, ket makaawid met laeng a nasayaat.
Agtultuloy ti imbestigasion ti pulisya kadagiti dua a disgrasia.
Source: GMA News
