BAGUIO CITY – Binigbig ti Ciudad ti Baguio dagiti atleta nga da Abraham Kerchaten Jr., Israel Ekid, ken Jan Marc Fianza gapu iti nagrukod a panagballigida iti “The Battle of Strength and Pride” Arm Wrestling Competition nga naangay idi Abril 27, 2026 iti Lapu-Lapu Shrine, Lapu-Lapu City, Cebu kas paset ti panagselebrar ti 505th Kadaugan sa Mactan Festival.
Babaen iti Resolution No. 386, Series of 2026, pinadayawan dagiti tallo nga atleta gapu iti naisangsangayan a panagaramidda, disiplina ken naimbag a panagipakita iti sportsmanship. Nagun-odda iti adu a balitok, pirak ken bronse a medalya kadagiti nadumaduma a weight ken hand categories, ken nakaawat pay iti espesyal a pannakabigbig, isu a nangipan iti dayaw ken kinatan-ok ti siudad ti Baguio.
Inted da Mayor Benjamin Magalong, Vice Mayor Faustino Olowan, dagiti kameng ti Sangguniang Panlungsod ken dadduma pay nga opisial ti siudad ti pannakapadayaw kadagiti atleta idi Hunyo 15, 2026 iti Flag Raising and Awarding Ceremony nga naangay iti Baguio City Hall.
Source: Baguio City PIO
