Nakumpiskar dagiti produkto a sigarilio a mapatta-patta nga aggatad iti P22,000 manipod iti dua a grocery store iti naisayangkat a routine smoke-free inspection idiay Lakandula Street, Baguio City idi kalman.
Sigun iti Environmental Health and Sanitation Division, agtultuloy ti Smoke-Free Inspection Team iti panagsukimatda iti amin iti grocery stores iti siudad tapno maipasigurado ti panagsurot iti agdama a pagalagadan seknan iti panagsigarilio.
Iti uppat a grocery stores a nasukimat iti lugar, dua laeng ti nagtulnog iti naikeddeng a pagalagadan.
Nangipaay met iti citation tickets kontra kadagiti aglablabsing nga establisimyento.
Kabayatanna, naipasa mettten iti City Mayor’s Office – Special Services Division ti listaan dagiti establisimiento a paulit-ulit nga aglablabsing para iti kaskenan a panagtignay.
Source: Bombo Radyo Baguio
