Adu a turista ti simmang-at idi nangrugi idi Marso 2, 2026 ti “Session Road in Bloom” nga inlunsad ti Baguio Flower Festival Foundation, Inc. (BFFFI) ken ti lokal a gobyerno iti siudad ti Baguio. Ti aktibidad ket maysa kadagiti kangrunaan a paset ti panagcelebrar ti ika-30 a Panagbenga Festival, nga agpatingga ita a Marso 8. Napunno ti Session Road iti nadumaduma a sabong ken booth a mangipakita iti kultura ken produkto ti lugar.
Ti week-long a exhibition ket mangipromote iti lokal a negosyo ken mangipakita met iti panangaywan iti kapaligiran babaen iti circular economy program ti siudad. Ti okasyon ket makatulong iti panaglinteg ti festival ken mangted iti nasaysayaat a kapadasan kadagiti residente ken turista a sumangbay iti Baguio.
Nalaing a sinagana dagiti organizers ti okasyon iti nasurok maysa a bulan. Inusisa da dagiti aplikante para kadagiti booth ken nangipaay ti orientation maipanggep iti kinadalus, food safety, ken umno a panag-operate ti stalls tapno mapagtalinaed ti natalged ken naurnos a panagpista.
Iti agdama a tawen, naipundar dagiti booth iti tengnga ti Session Road tapno nalaka a magna dagiti bisita ken maammuan da ti nadumaduma a display. Adda met dagiti dakdakkel a pagyanan ti basura iti nadumaduma a lugar ken nairequire dagiti vendors nga ag-segregate iti basura.
Naited pay ti seguridad babaen iti pannaka-deploy ti 45 a pulis nga ag-bantay iti lugar 24 oras iti inaldaw.
Naiparang dagiti vendors ti adu a produkto manipud kadagiti ili da ken dagiti sikat a produkto iti merkado. Daytoy ket nakaawis kadagiti residente ken turista a nangidayaw iti kinadalus, naurnos a layout, ken nadumaduma a stalls.
Babaen iti makulay a sabong ken napintas a dekorasion, napasingkedan manen ti Session Road in Bloom kas maysa kadagiti kaaduan a pagurayan ken ay-ayaten nga aktibidad iti siudad ti Baguio.
Source: Baguio Herald Express
Photos from Baguio Boy Facebook Page
