Nasarakan a natay ti maysa a 69-anyos a lakay a senior citizen iti Hilltop, Diadi, Nueva Vizcaya idi malem ti Domingo, Setiembre 6, 2026, iti likudan ti maysa nga inabandona a kubo. Ti pannakatnag manipud iti tulay a papan iti balay ti maysa kadagiti kangrunaan nga anggulo a tinutukod ti pulis iti pannakaammo iti posibleng gapu ti ipapatayna.
Iti agarup alas-6:30 ti rabii, napansin ti maysa a residente iti lugar ti nasangsang a angot aggapu iti likudan ti kubo, a impagarupna iti damo a kasla bangkay ti daga. Ngem id bumayag ket kimmaru ti angot na, isu a sinukimatna ti lugar ken nasarakanna ti bangkay ti biktima nga adda iti agarup sangapulo a metro manipud iti dalan.
Segun kenni PCpt Daryl Marquez, Hepe ti Diadi Municipal Police Station, naudi a nakita ti biktima idi Huwebes, Setiembre 3, kalpasan a naggapu iti balay ti anakna idiay Lamut, Ifugao. Adda uma ti pamilya iti Hilltop, ken ti balay a nakasarakan ti bangkay ket maysa kadagiti pagdalananna. Naaamuan pay a impakaammo ti biktima a usarenna koma ti kubo a pagsukatanna.
“Ang nakikita po natin based sa investigation e nahulog po itong victim mula sa tulay na paakyat sa ikalawang palapag, nabali kasi yung hawakan tapos kahoy lang din yung tulay na diretso na sa second floor, pinayuhan din natin yung pamilya na ipaautopsy ang bangkay pero kumbinsido naman sila na nahulog yung victim at walang foul play na nangyari,” kinuna ni PCpt Marquez.
Nakita ti pannakailasin ti biktima babaen kadagiti identification card nga adda iti bagna, agraman ti cellphone ken dadduma pay a personal a bambanag. Personal met a kinilala ti pamilya ti bangkay idi dimtengda iti lugar kalpasan ti panangbirbirukda iti biktima a saan a nakasubli iti pagtaengan iti sumagmamano nga aldaw. Pinili ti pamilya a iyawidda dagiti labi iti Hingyon, Ifugao, para iti sumaganad a proseso ken pannakaitrabaho dagiti kasapulan ti pamilya.
Source: DWRV1233.Official (https://www.facebook.com/share/p/1cs59kKeE8/)
