Pagbiyagan dagiti mannalon idiay Mankayan, apektado gapu iti panggep a proyekto ti dakkel a mining company sadiay
Imbinglay ni “”Mhatotz”, maysa a residente ti Mankayan nga apektado metlaengen ti pagbiyaganda gapu iti proyekto ti maysa a dakkel a mining company.
Iti pannakiuman ti Bombo Radyo kenkuana, imbinglayna a ‘farming’ ti kangrunaan a pagbiyaganda sadiay.
Sigun kenkuana, idi ket uray no summer, adda ti danum nga usarenda ngem itan ket kasapulan a ma-water pump dagiti danum da nga aramatenda iti panangsibog kadagiti mula da.
Innayonna a nu agtuloy ti proyekto ti nasao a mining company, maawanen ti suplayda iti danum.
Sigun kenni “Mhatotz”, agarup 534 hectares gamin ti manamnama a maapektaran nu kasbilang agtuloy ti nasao a proyekto.
Kaaduan pay kadagiti maapektaran ket mannalon metlaeng isu’t gapunna a dinakamat metlaeng ni “Mhatotz” a kaaduan kadagiti adda ita idiay barikadaan ket dagiti mannalon nga adda daga na iti agarup 534 hectares a maapektaran.
Kabayatanna, innaklon ni Mhatotz nga adda latta dagiti tensyon iti nasao nga lugar gapu ta adda met latta dagiti mangsupsuporta iti pannakaituloy ti nasao a proyekto.
Nupay kasta, kinunana nga iti agdama ket awan met ti gulo ken napaspasamak a pannagsisinupiat iti nagbaetan dagiti residente idiay.
Sigun kenni “Mhatotz”, agarup 534 hectares gamin ti manamnama a maapektaran nu kasbilang agtuloy ti nasao a proyekto.
Kaaduan pay kadagiti maapektaran ket mannalon metlaeng isu’t gapunna a dinakamat metlaeng ni “Mhatotz” a kaaduan kadagiti adda ita idiay barikadaan ket dagiti mannalon nga adda daga na iti agarup 534 hectares a maapektaran.
Kabayatanna, innaklon ni Mhatotz nga adda latta dagiti tensyon iti nasao nga lugar gapu ta adda met latta dagiti mangsupsuporta iti pannakaituloy ti nasao a proyekto.
Nupay kasta, kinunana nga iti agdama ket awan met ti gulo ken napaspasamak a pannagsisinupiat iti nagbaetan dagiti residente idiay.
Nupay kasta, mangnamnama ni “Mhatotz” a suportaranna kuma dagiti residente ti Bulalacao ken Guinaoang.
Nagkiddaw met daytoy a tumulong met kuma met dagiti provincial government officials kadakuada tapno mapasardeng ti nasao a kompanya gapu ta dagitoy met ti naikan ti otoridad tapno mangkita iti nasao a pakaseknan.
Ginuyugoy metlaeng ni “”Mhatotz” dagiti kakaduana a saanda a mauma ken saanda nga agbuteng a mangkontra iti nasao a proyekto gapu ta pagsayaatanda met ti ilablabanda.
Impettengna metlang nga ituloyda latta a mangisumitir kadagiti position paper da kadagiti maseknan nga ahensya agingga ummanugotda ken matignay ti puso da tapno mangipakita a saanda nga ipalubos a maipatungpal ti nasao a proyekto iti ay-ayatenda nga ili.
Source: Bombo Radyo Baguio
