Naangay ti maysa a programa a mangiparang-ay iti panagkaykaysa ken aktibo a pannakipaset dagiti agtutubo babaen iti “Kabataang Aktibo, Komunidad na Positibo” Bida-Padyak 2026, a naipatungpal babaen iti lokal a gobierno ti siudad ti Alaminos kas paset ti panangrambak iti Mental Health Awareness Month idi Hulyo 11, 2026.
Immay ken nangipaay iti mensahe ni City Mayor Arth Bryan C. Celeste, a naitultuloy babaen ken City Councilor Jann Marrione R. Fontelera. Nakipaset met da City Vice Mayor Jose Antonio Miguel Y. Perez, a nairepresentaran ni Ralph Cardenas, SK Federation President Loverly Bernabe-Paredes, ken Punong Barangay Domingo C. Ragudos, a nairepresentaran ni Barangay Kagawad Danny C. Lacebal.
Iti nasao a programa, nagbingay met iti napateg a pakaammo maipanggep iti mental health ni Nurse IV Jerome C. Amores, a nangipalawag iti kinapateg ti panangtaripato iti salun-at ti panunot kas maysa kadagiti kangrunaan a paset ti naimbag a biag ken responsableng pannakibiag iti komunidad.
Babaen iti panangipangulo ti Alaminos City Youth and Sports Development Office ken ti Sangguniang Kabataan, a tinulongan dagiti nadumaduma nga organisasion, naballigi a naidaulo ti programa a mangipalagip iti disiplina, panagkaykaysa, ken aktibo a pannakipagbiag dagiti agtutubo iti komunidad. Ti aktibidad ket mangipakita iti tuloy-tuloy a panagtrabaho ti lokal a gobierno ken dagiti katuwangna tapno mapapigsa ti panagkaykaysa ti umili ken maipasdek ti natalged, naurnos, ken agpapada a komunidad para iti amin.
Insurat ni IlocanoAK
Source: City Information Office – Alaminos City, Pangasinan
