Mangnamnama dagiti estudiante iti probinsia ti Benguet iti mas napintas nga edukasion kalpasan ti panag-reclassify ken panag-promote ti 1,935 nga mannursuro ken opisial ti eskuela. Naisayangkat ti mass oath-taking dagiti teaching ken non-teaching personnel idi Enero 5, 2026, idiay Benguet Sports Complex, La Trinidad.
Kinuna ni DepEd Undersecretary Wilfredo Cabral ken DepEd-CAR Regional Director Estela Cariño nga adu pay ti mas nangatu nga panagserbisyo nga ited dagiti napromote para kadagiti estudyante. Kinuna met ni Gobernador Melchor Diclas nga tuloy-tuloy ti suporta ti lokal nga gobyerno ti Benguet kadagiti mannursuro ken administrador ti DepEd.
Daytoy nga panag-reclassify ken panag-promote ket sakup ti Expanded Career Progression (ECP) a naisagana babaen ti Republic Act No. 12288, a pinirmaan ni Presidente Ferdinand R. Marcos Jr. idi Setiembre 2025. Ti ECP ket maysa nga sistema ti panag-angat iti ranggo a mangpatalged iti promosyon dagiti mannursuro segun iti kwalipikasion, eksperiensia, ken propesional nga standard, uray awan ti bakante a posision.
