Nasarakan a awanen angis na ti maysa a lalaki a nars idi bigat ti Miyerkules, Hunio 3, 2026, idiay Sitio Linasin, Barangay Zone 1, Bangued.
Segun iti umuna a imbestigasyon, nakaawat ti duty Municipal Tactical Operations Center (MTOC) ti Bangued Municipal Police Station (MPS) iti maysa a tawag manipud iti maysa a residente maipapan iti nasarakan a bangkay iti nasao a lugar.
Nailasin ti biktima a ni Tam-Jay Colet, maysa a nars a naggapu iti Tumalip, Licuan-Baay, Abra. Kalpasan dayta, dagiti kapulisan ket dagus a rumesponde iti lugar ken inurnosda ti seguridad iti aglawlaw ti insidente.
Idi rumesponde dagiti kapulisan, nasarakan ti bangkayna a nakasagid iti kalsada, asideg ti balay ti pamilya Ambre. Nakaputos ti bangkay iti motorcycle cover ken sako ken dagiti sakana ket nakabigbig a naitalien iti packaging tape.
Narecover met dagiti otoridad ti maysa a blue Honda XRM 125 motorcycle nga adda plate number 4002 AM nga nakaparada iti asideg ti bangkay.
Agpapatuloy ti panag-imbestiga dagiti kapulisan tapno matakuat ti rason ken ti posible a responsable iti nasao a krimen.
Source: Bangued MPS
