SAN FERNANDO CITY, La Union (PIA) — Pinalapad ti city government ti San Fernando ti Kadiwa program babaen ti “Kadiwa sa Lungsod Week” idi Abril 13–15 tapno matulungan ti panagpababa ti presyo ti taraon ken mapalawag ti akses dagiti umili iti abot-kaya a produkto.
Agarup 40 a mannalon ti direkta a naglako, nga adda laeng P5–P10 a patong iti presyo. Adda met P20 a diskwento para kadagiti senior citizens ken solo parents.
Segun kenni City Agriculturist Mary Jane Alcedo, nupay natalged pay ti presyo ita, pakarit latta ti nangato a diesel iti sumaruno a panagtalon. Kas sungbat, mangipaay ti siyudad iti libre a transportasyon, farm inputs, ken tulong pinansyal.
Ipatungpal met ti “Kadiwa on Wheels” tapno maabtan dagiti 14 a coastal barangays ken mas mapapigsa ti food security ken suporta kadagiti mannalon.
Source: PIA La Union
