Patuloy sa paghahatid ng tulong ang mga Angels in Red Vests ng DSWD Field Office 2 para sa mga pamilyang naapektuhan ng “Paolo” sa Isabela, ngayong araw, ika-3 ng Octubre 2025.
Kabilang sa mga nabigyan ng family food packs ang mga residente ng baybaying bayan ng Maconacon at Palanan, na kabilang sa mga unang nakaranas ng matinding epekto ng bagyo.
Nagsagawa rin ng assessment sa lugar upang matukoy ang iba pang pangangailangan ng mga residente at tiyaking naipararating ang tamang tulong sa mga tunay na nangangailangan.
Layunin ng ahensya na agad na matugunan ang pangangailangan ng mga apektadong pamilya at matiyak na may sapat silang pagkain sa kabila ng masamang panahon.
Source: DSWD Region 2
