Agtultuloy ti panangipaay ti tulong dagiti Angels in Red Vests ti DSWD Field Office 2 kadagiti pamilyang naapektaran ti Super Typhoon #UwanPH babaen ti Emergency Cash Transfer (ECT) payout a naisayangkat manipud Disyembre 18 agingga 20, 2025 idiay Dinapigue, Isabela.
Laksid ti pabagu-bago nga panawen gapu iti shear line, sinigurado ni Regional Director Lucia Suyu-Alan, iti nagan ni DSWD Secretary Rex Gatchalian, a maawat ti tunggal pamilya iti ili ti tulong a nailasin para kadakuada. Pinasingkedna met a tarigagay ti Kalihim a maipaay ti tulong-pinansyal kadagiti amin a naapektaran a pamilya sakbay ti Paskua.
Manipud kadagiti barangay ti Dibulo, Ayod, Dimalduade, Bucal Norte, Bucal Sur, ken Digumased, adda kabuuanna a 66 a totally affected families a nakaawat iti ₱10,125 tunggal maysa, nga addaan iti kabuuan a ₱668,250. Kabayatananna, 1,617 a partially affected families ti nakaawat iti ₱5,250 tunggal maysa, nga addaan iti kabuuan a ₱8,489,250.
Imparangarang da 4th District Congressman Joseph Salvador Tan ken Municipal Mayor Vicente Mendoza ti taos-puso a panagyaman da iti ahensia gapu iti tulong a naipaay kadagiti umili da iti tiempo ti pannakasapul. Segun kadakuada, iti laksid ti napigsa a panagtudok ti tudo, nagtultuloy latta ti panagtignay ken panangipaay-serbisyo ti ahensia. Kunada, “No napigsa ti panagtudok ti tudo, napigsa met ti panagtudok ti bendision.”
Agtultuloy ti ahensia iti panangipaay kadagiti serbisyo, nangnangruna kadagiti komunidad iti baybay a paset ti rehion, tapno masigurado a maawat ti amin ti napardas ken mapagkalinga a serbisyo.
Source: DSWD Region II
