Nangrugi ti City Health Office (CHO) ti Tuguegarao iti panangipatumpal ti libre nga chest X-ray idi Enero 12, 2026, idiay Barangay San Gabriel, kas paset ti programa ti siyudad kontra tuberculosis (TB) ken dadduma pay a sakit ti bara.
Indauluan ti aktibidad ni City Health Officer Dr. Robin Zingapan, a kaduana ti Cagayan Valley Center for Health Development (CVCHD) ken Philippine Business for Social Progress (PBSP), tapno mapartak ti panangilala kadagiti posibleng kaso ti TB, nangruna kadagiti high-risk groups.
Silulukat ti libreng serbisyo para kadagiti edad 15 a tawen ken ngato, nga adda 200 slots iti tunggal aldaw iti first come, first served basis. Adda met libre nga bagas a naited iti tunggal indibidwal a nakipaset iti aktibidad.
Agtultuloy ti libre nga chest X-ray manipud tatta nga aldaw ti Enero 12 agingga Enero 16, 2026, mangrugi alas-8:30 ti bigat, ken masapul laeng ti maysa a valid ID tapno makipaset.
Inawis ti Pamahalaang Panlungsod dagiti umili ti Tuguegarao a pagnumaran daytoy a libre nga programa bilang paset ti adbokasiya iti salun-at ken maagap a panangliklik iti sakit iti amin a Tuguegaraoeño.
