Nasarak ti bangkay ti maysa a 58-anyos a lalaki a residente ti Barangay Bahong iti maysa a creek iti Sitio Duheb, Bahong, La Trinidad, Benguet, idi Agosto 17, 2026. Segun iti La Trinidad Municipal Police Station (LTMPS), ti biktima ket naiulat a naanod iti napigsa a panagayus ti danum.
Nasarak ti bangkay babaen iti maysa a concerned citizen a nagtawag iti atensyon dagiti awtoridad a nasurok alas-12:30 iti malem. Dagiti personnel ti LTMPS, Municipal Disaster Risk Reduction and Management Office (MDRRMO), Bureau of Fire Protection (BFP), civilian volunteers, ken opisyal ti Barangay Bahong ket nagtitinnulong iti panangala iti bangkay manipud iti creek.
Kalpasan ti retrieval operation, naiturn-over dagiti remains iti pamilya ken kadagiti concerned authorities para iti umiso a disposition. Ipaay dagiti awtoridad ti napudno a pakikikondolensya iti pamilya ken kakabagian ti biktima iti daytoy a nakalkaldaang a pasamak.
