Mariing pinabulaanan ti Armed Forces of the Philippines (AFP) dagiti alegasyon a nilapasan ni AFP Chief of Staff Gen. Romeo Brawner Jr. ti Philippine Military Academy (PMA) Honor Code ken ti kanu nga pannakaawat ti Php15 bilyon para kadagiti tinawag a “ghost projects.” Segun iti AFP, dagitoy ket paset laeng ti naitultuloy a kampanya ti disinformation a mangpababa iti kredibilidad ti institusyon ken dagiti pangulona.
Iti opisyal a pakaamo idi Enero 22, 2026, imbalakad ti AFP iti publiko a saan a ipakat iti panagibingay ti maysa a nagruker a media post manipud Nobiembre 2025 a naipasang-at manen. Inlawlawag ti AFP a awan ti uray ania a reklamo, imbestigasion, wenno pormal a finding a mangsuporta iti paratang a Honor Code violation, ken tinawag daytoy a araramid lang a akusasion a mangdungis iti nagan ti Hepe ti AFP.
“The AFP warns the public against a resurfaced media post from November 2025 that is being circulated again to spread false and misleading claims against AFP chief of staff Gen. Romeo Brawner Jr. These allegations are baseless and form part of a continuing disinformation effort aimed at undermining the integrity of the AFP and its leadership,” nakuna idiay nai-release a statement.
Impasigurado met ti AFP a awan iti pudno ti paratang a nakaawat da ti Php15 bilyon manipud ken Leyte 1st District Rep. Martin Romualdez para kadagiti “ghost projects.” Segun iti AFP, ti nasao a pondo ket maipanggep iti TIKAS (Tatag ng Imprastraktura para sa Kapayaan at Seguridad) a programa nga iti Department of Public Works and Highways (DPWH) ti mangplano, mangbadyet, ken mangipatumpal, ken awan ti papel ti AFP iti panangimanehar ti pondo.
Binalakadan ti AFP iti publiko a madi basta basta agtalek kadagiti istoria nga makitkita da nu diket agtalek laeng kadagiti opisyal ken mapagkakatiwalaan a impormasyon.
Segun ti AFP, agtultuluy ti panangipategda iti transparency, accountability, ken integridad iti panagtungpalda iti konstitusional a pagrebbengan ti umili.
