Nakapagtapos dagiti 34 a solo parents iti Asin Road Solo Parents Association iti Parent Effectiveness Service (PES), isu a kauna-unaan a grupo iti siudad a nakakompleto iti nasao a programa.
Impasigurado ni City Social Welfare and Development Officer Liza Bulayungan a nabalin a nalpas dagiti amin a modules ti PES ken naisagana ti graduation idi Abril 22. Pinadayawan na met dagiti miyembro iti pannakaituloyda iti programa, a pinangulohan ni association president Margarita De Vera.
Ti PES ket programa ti CSWDO a mangipaay iti siyam a modules para kadagiti nagannak ken caregivers, a mangpabileg iti abilidad iti panagannak kas maibatay iti Republic Act 11908. Kadagitoy ket mailak-am ti pannakaawat iti pamilya, panangtaripato kadagiti ubbing, salun-at, ken panangimaton iti balay ken komunidad.
Naiparangarang iti nasao a panagsanay ti kinapateg ti responsable ken napudno a panagannak para iti napigsa a pamilya ken komunidad.
Source: Baguio PIO
