DAGUPAN CITY, Pangasinan — Kas paset ti tuloy-tuloy a pannakasuporta iti panakaipatungpal ti OPLAN: Balik Eskwela 2026, aktibo a nakipagpaset dagiti District Office ti Land Transportation Office (LTO) Region 1 iti naindaklan a Brigada Eskwela idi Junio 6, 2026.
Ti aktibidad ket nangipakita iti pannakikadua ti ahensiya iti panagandam dagiti pagadalan sakbay ti panaglukat ti klase, tapno masigurado ti natalged, nadalus ken naurnos a lugar para iti panagadal dagiti ubbing.
Nangrugi dagiti empleyado ti LTO Region 1 iti panagdalus, panagsimpa ken panagpasayaat kadagiti classroom ken pasilidad ti eskuelaan. Babaen iti boluntaryo a serbisyo da, tinulonganda a maisagana dagiti pagadalan para iti umay a panagsubli dagiti estudyante.
Kas paset met ti inisyatiba, nangited dagiti opisina iti school supplies ken materyales para iti panagdalus a makatulong iti panangsalimetmet iti kinadalus ken salun-at dagiti agadal. Daytoy a suporta ket mangiparangarang iti pannakikadua ti LTO iti panangpasayaat iti kalidad ti edukasion ken komunidad.
Ti partisipasion ket maitunos iti direktiba ni Pangulo Ferdinand “Bongbong” R. Marcos Jr. ken iti pannakaidalan ni Department of Transportation (DOTr) Acting Secretary Atty. Giovanni Z. Lopez ken LTO Chief Assistant Secretary Markus V. Lacanilao, nga agtultuloy a mangpabileg kadagiti ahensiya ti gobyerno a makipagpaset iti programa para iti edukasion ken pannakapasayaat ti komunidad.
Iti panangidaulo ni Regional Director Glorioso Daniel Z. Martinez ken Assistant Regional Director Engr. Eric C. Suriben, agtultuloy ti LTO Region 1 iti pannakaited iti naimbag a serbisyo publiko babaen kadagiti programa ken inisyatiba a mangitag-ay iti pagimbagan dagiti komunidad, nangruna kadagiti agtutubo.
Source: LTO Region 1 Drive Better to Enjoy Safe Travel
