Boluntaryong isinuko ng Barangay Tanod ang isang homemade 12-gauge shotgun na walang marka at bala sa mga awtoridad sa Barangay Outpost, Dominican, Baguio City nito lamang Pebrero 9, 2024.
Ang pagsuko ng nasabing armas ay resulta ng mas pinaigting na kampanya kontra loose firearms at pagsasagawa ng mga serye ng Barangay Visitation sa nasabing lugar.
Patuloy naman ang paghikayat ng mga awtoridad sa mga residente sa kanilang nasasakupan na isuko ang mga ilegal na armas bago pa nila ito magamit sa krimen at maging dahilan ng kanilang pagkakakulong.
Ang inisyatibo na ito ng kapulisan ay bilang pagsuporta sa isinusulong ng pamahalaan na “Whole-of-Nation Approach” upang mapanatili ang seguridad at kaligtasan ng bawat mamamayan sa lipunan.
