Nangrugi idiay Lagawe, Ifugao, ti selebrasion ti 2026 Regional Indigenous Peoples Education (IPEd) Month a nangtipon kadagiti lider ti edukasion, opisial ti gobierno, ken panglakayen dagiti katutubo. Ti tema ti selebrasion ket “Katutubong Edukasyon, Unang Dekada, Unang Ani ng Pag-asa,” bayat a ti subtema ket “Cordillera United. Eight Divisions. Countless Stories of Impact. One Living Heritage.”
Nangrugi ti aktibidad babaen kadagiti ritwal dagiti katutubo, parada, ken Thanksgiving Mass, a sinarunoan dagiti mensahe dagiti opisial ti gobierno ken edukasion. Naiparang met dagiti “Abel: The Great Weaver” ken “Voices of the Ancestors” a nangipakita kadagiti nagun-od ti edukasion dagiti katutubo ken nangidayaw iti kontribusion dagiti panglakayen a mangsalimetmet kadagiti tradision ken tradisional a pannakaammo.
Babaen iti daytoy a selebrasion, naipaganetget ti kinapateg ti panangsalimetmet iti kultura, tradision, ken tawid dagiti katutubo, kasta met ti panangitag-ay iti edukasion a mangbigbig ken mangrispeto iti bukodda a pakakitaan ken pagkakakitaan.
Impakita met ti aktibidad ti panagkaykaysa dagiti walo a dibision ti Cordillera iti panangitag-ay iti edukasion dagiti katutubo ken panangituloy iti sibibiag a tawid para kadagiti sumaruno a henerasion.
Source: DepEd Tayo Ifugao (https://www.facebook.com/share/p/1M5pZcNhMr/)
