Nakemmeg ti maysa a lalaki nga agtawen iti uppat a pulo kalpasan a maalaan iti mapapati a shabu nga aggatad iti nasurok P56-K iti naiwayat a search warrant operation idiay Barangay Bulag East, Bantay, Ilocos Sur.
Naala ti nasurok-kumurang 8.36 grams ti mapapati a shabu nga aggatad iti ₱56,848 ken dadduma pay a maatap a drug paraphernalia.
Naisayangkat ti operasion babaen ti Philippine Drug Enforcement Agency (PDEA) ken dadduma pay a unit ti kapulisan ken law enforcement.
Addan iti kustodia ti Bantay MPS ti suspek kabayatan a maisagsagana ti kaso a sangwenna.
Source: Bombo Radyo Vigan
