Babaen ti islogan a “Your Extras Could Be Someone Else’s Essentials”, inrugi ti City Planning, Development and Sustainability Office (CPDSO) ti “DECLUTTER for a Cause” iti City Hall Lobby ita a Lunes, Oktubre 12, 2026 para kadagiti empleado ti siudad.
Ti decluttering drive, nga inyusuat ti CPDSO iti pannakitinnulong ti City Environment and Parks Management Office (CEPMO), opisina ni Konsehal Betty Lourdes Tabanda, Committee Chair on Social Services, Women, and Urban Poor, ket maysa a panangituloy ti immuna nga Ecological Solid Waste Management and Sustainability Fair (Eco-Fair) da idi napan a Setiembre 27, 2026, no sadino a nakaurnongda 406 a mausar manen a tumbler ken 183 a malabaan a lunchbox.
Ti proyekto ket paset ti Pansa-nopen Tayo Circular Economy Program, a mangiparegta iti panangampon kadagiti ugali a mangkissay iti basura, panangputed kadagiti single-use plastics, ken panangsuporta kadagiti upcycled goods. Maiparparegta kadagiti empleado ti City Hall a sumarungkar tapno itedda ti dida kasapulan ken alaenda laeng dagiti banag a kasapulanda, bayat a maiwaras dagiti naidonar a lunchbox, tumblers, ken school supplies kadagiti nadumaduma nga eskuelaan.
Maiparparegta ti dadduma a publiko ken pribado a sektor nga addaan iti bukodda a decluttering drive iti bukodda nga opisina. Silulukat ti booth manipud alas 8 ti bigat agingga alas 5 ti malem, Oktubre 12 agingga Oktubre 16.
Source: Baguio City Public Information Office
https://www.facebook.com/pio.baguio/posts/pfbid02nRztNkTnCNrhQspNgpqV6zCy9ogAbEod4Gwyu4Ap9rj2F1LL6zL3VgnAry3uYBcvl?rdid=jomsyq1XNkNkaV2P#
