Mapatta-patta a P2.19 milion a gatad ti 10,960 a marijuana ti dinadael dagiti kameng ti Philippine Drug Enforcement Agency ken Philippine National Police iti nagbeddengan ti Ilocos Sur ken Banguet.
Dagiti pagmulaan ket masarakan iti Barangay Licungan, Sugpon, Ilocos Sur ken Barangay Tacadang, Kibungan, Benguet a ti kalawana ket agarup 1.70 square meters.
Awan ti nasangpetan dagiti pannakabagi ti linteg nga agmulmula idi inwayatda ti operasion ngem agtultuloy ti panangtuntonda.
Kaso a panaglabsing iti Section 16 ti Republic Act 9165 wenno Comprehensive Dangerous Drugs Act of 2002 ti maipilanto kadagiti saan pay a nabigbig a cultivator.
Source: Bombo Radyo Vigan
