Mannarimaan ita ti imbestigasyon dagiti otoridad iti nagtaudan wenno rason ti napasamak nga uram idiay Suyoc, Taneg, Mankayan, ita nga aldaw no sadino nauram ti dua a balay ken maysa nga clinic.
Iti pannakiuman ti Bombo Radyo iti Bureau of Fire Protection- Mankayan Fire Station, naiyawag ti nasao nga uram iti alas-11:50 ti agsapa.
Dagos met a nagresponde dagiti kameng ti nasao nga ahensya iti nasao a pasdek.
Naideklara nga under control ti nasao nga uram iti 1:55 ti malem ken nasebseban daytoy iti alas-2:30 ti malem.
Sigun iti BFP-Mankayan, dua a balay ken maysa a clinic ti nairaman a nauram.
Awan met ti nadangran idi napasamak ti nasao nga insidente.
Innayon ti nasao nga ahensya a ti dua a balay a nauram ket pagigiyanan dagiti minero iti nasao a lugar bayat a ti maysa pay a nairaman a nauram ket maysa nga old hospital nga agop-operate kas clinic.
Mannarimaan metten ti imbestigasyon dagiti otoridad nu anya ti nagtaudan ti nasao nga uram.
Balligi ti pannakasebseb ti uram babaen iti nagtipon a puersa ti Bureau of Fire Protection-Mankayan, BFP-Buguias, ken dadduma pay a volunteers.
Source: Bombo Radyo Baguio
