Dua nga agtawen-iti-sangapulo ket walo nga estudiante ti mapapati a dinanog ti innem a lalaki iti maysa a waiting shed idiay Poblacion Norte, Santiago, Ilocos Sur.
Dagiti biktima ket agpada a taga-Barangay Silag, Sta. Maria idinto a dagiti suspek ket agpapada met a taga-Barangau Olo-Olo Sur, Santiago.
Iti pannaki-uman ti Bombo Radyo Vigan ken ni Police Captain Jeff Aguigam, nakatugaw dagiti biktima idi inasitgan ida dagiti suspek ket bigla a dimmanogda kalpasan ti panangsaludsod ti maysa a suspek iti maysa a biktima no apay a tsan-tsansinganna ti maysa a babai.
Simmungbat a saan ti biktima ket dinanogna daytoy ti rupana ket idi pinadas met ti maysa a biktima nga anawaen ti suspek, insarunona met a dinanog ti rupana agingga a rimmamanen dagiti kadua ti suspek a nangdanog kadagiti biktima.
Naglibas dagiti suspek, ket idi kalman, inreport dagiti biktima ti napasamak iti kapulisan.
Maisagsaganan ti kaso a maipila kontra kadagiti suspek.
Source: Bombo Radyo Vigan
