Balligi a nagleppas ti maika- 12 Sablan Fruit Festival idi kalman, Setiembre 4.
Sigun kenni Mayor Alfredo Dacumos, Jr., nupay adu a prutas ti nadadael gapu iti agtultuloy a panagtudtudona, adda latta dagiti naaramatda a prutas para iti maika-12 a selebrasyon ti fruit festival dagitoy.
Innayon pay daytoy nga awan met ti nagbaliw kadagiti aktibidad ken taray ti programa ngem adda dagiti bassit banag a nasken nga insimpada ken adda metlaeng dagiti aktibidad a nainayun kas iti 4×4 road challenge.
Malaksid iti dayta, naiyakar metlaeng ti market encounter idiay municipal gym no sadino naiyasidegen ti nakaipasdekanna manipud iti kalsada a sigud a pakaipaspasdekanna.
Agyamyaman met daytoy iti Department of Labor and Employment (DOLE), Agriculture Agency, ken dadduma pay a Regional Agencies a timmulong para iti pannakapasayaat ti selebrasyon ken pannakaitandudo dagiti adaddo a produkto da. // via Bombo Noveh Organo
Source: Bombo Radyo Baguio
