Itultuloy ti Department of Social Welfare and Development Field Office 1 (DSWD FO 1 Ilocos Region) ti panangipaay iti tulong kadagiti pamilia a naapektaran iti panaglabas ti bagyo ken habagat idiay Bauang, La Union.
Idi Setyembre 3, 2026, naiwaras ti 2,000 Family Food Packs (FFPs) kadagiti residente ti Bauang a naapektaran ti napigsa a tudo, layus, ken dadduma pay a epekto ti bagyo ken habagat.
Ti pannakaipaay dagitoy a relief packs ket paset ti agtultuloy a panangipaay ti DSWD FO 1 iti dagus a tulong kadagiti pamilia a kasapulan, nangnangruna kadagiti naapektaran dagiti natural a didigra.
Dagitoy a 2,000 FFPs ket kasaruno dagiti immunan a relief goods nga inwaras ti DSWD FO 1 kadagiti agkasapulan a residente iti lugar.
Babaen iti agtultuloy a panangipaay ti tulong, ipakita ti DSWD FO 1 ti komitmentna a sumuporta kadagiti apektado a pamilia ken tumulong iti panangpabassit ti rigat a mapaspasamak iti panawen ti kalamidad.
Ti panagtitinnulong dagiti ahensya ti gobyerno, lokal a gobierno, ken komunidad ket napateg tapno nalaka ken dagus a maipaay ti tulong kadagiti pamilia a kasapulan, kas paset ti panangsalaknib ken panangaywan kadagiti umili iti panawen ti krisis.
Source: DSWD 1
