Mannarimaan ti panagbantay ti Department of Social Welfare and Development Field Office – Cordillera (DSWD FO-CAR) kadagiti nagduduma a komunidad iti rehiyon gapu iti saan a nasayaat a paniempo.
Sigun iti datos ti nasao nga ahensya, agtultuloy nga apektado ti agarup 73,794 a pamilya a bukbuklen iti 226,689 nga indibidual iti agarup 436 a babbarangay iti rehiyon gapu iti habagat ken naglabas a bagyo.
Iti baet dayta, nakabantay latta ti nasao nga ahensya bayat a mapaspasaran pay laeng ti epekto ti habagat iti rehiyon.
Nakasagana metlaengen ti agarup P87.35 milyon a gatad ti relief resources pakairamanan ti 64,319 a Family Food Packs, 17, 786 non-food items ken 7,007 ready-to-eat- a taraon.
Sigun pay iti nasao nga ahensta, nakamonitor da metlaeng ken nakasaganada a mangipaay iti kaskenan a tulong kadagiti posible a maapektaran gapu iti saan a nasayaat a sasaaden ti panawen.
Source: Bombo Radyo Baguio
