Nagbalin a kampeon ti probinsia ti Cagayan iti tallo nga aldaw a Regional Rescuelympics 2026 nga inorganisar ti Office of Civil Defense (OCD) Region II, a naangay idiay Lower Magat Eco-Tourism Park iti Diadi, Nueva Vizcaya.
Pinanguluan ni Marivell L. Puputi-Orje ti Cagayan Provincial Disaster Risk Reduction and Management Office (PDRRMO), a nagsilbi a team captain, ti koponan a nangipakita iti kangatuan a performance iti kompetision.
Segun kenkuana, naala ti grupo ti kapaspasan a tiempo iti panangaramid kadagiti simulation exercises ti OCD, a nalpas laeng iti dua nga oras ken sangapulo ket lima a minuto, a nababbaba ngem iti tallo nga oras a naited para iti kompetision.
Kabilang kadagiti sitwasion a sinagrapda ti panangresponde iti aksidente iti dalan, pannakalunod, sunog, ken dadduma pay nga emerhensia a nangkasapulan iti panangisalakan kadagiti sangapulo ket dua a biktima.
Gapu iti panagballigida, naawat ti koponan ti tropeo ken ₱100,000 a cash prize.
Ti Regional Rescuelympics 2026 ket tapno masubok ken mapapigsa ti koordinasion, teknikal a kabaelan, ken operational readiness dagiti responder iti Rehiyon Dos, tapno ad-adda a mapapintas ti panangresponde kadagiti emerhensia ken kalamidad iti tunggal komunidad.
Source: Cagayan Provincial Information Office
