Naarestar iti buy-bust operation iti Barangay Bakakeng Norte/Sur, Baguio City ti maysa a 38-anyos a lalaki nga alyas “Jon,” nga nailista kas High Value Individual (HVI), iti panangidaulo ti PNP Drug Enforcement Group Special Operations Unit-CAR.
Nakumpiska manipud iti suspek ti agarup 60 gramos a maatap a shabu nga addaan iti Standard Drug Price a P408,000, pakairaman ti 10 gramos a inlako iti operatiba ken 50 gramos a nasarakan iti bulsana.
Naiturn-over ti suspek iti Baguio City Police Office Station 10, bayat a dagiti nakumpiska a droga ket naipaay iti Regional Forensic Unit-CAR para iti examination. Batay iti initial a impormasyon, sigud a tulak ti droga ti suspek idiay Olongapo City sakbay a nagnaed iti Baguio.
Source: Bombo Radyo Baguio
