Natay bayat a matamtaming ti maysa a lalaki a napaltugan idiay Barangay VI, Pagpandayan, siudad ti Vigan.
Ti biktima ket agtawen ti tallopulo ket siam, residente ti Zone V, Bantay Ilocos Sur, idinto a dagiti suspek a saan pay a nabigbig ket naglugan ti motorsiklo.
Segun ti kadua ti biktima, daldalyasaten da ti Gov. E Reyes Street, Barangay VI, a nakalugan da ti tricycle idin ta kellaat a sinaruno isuda dagiti suspek ket pinaltugan da ti biktima iti naminsan a daras.
Dagus a naitaray iti balay pagagasan ti biktima ngem natay bayat a maag-agasan.
Mannarimaanen ti imbestigasion dagiti pannakabagi ti linteg tapno maammuan ti motibo ti insidente ken tapno makemmeg dagiti suspek.
Source: Bombo Radyo Vigan
